Gin panhimuwa ni Commission on Elections (Comelec) Chairman George Erwin Garcia an posibilidad han usa nga “no-election” scenario ha 2028 nga daw magpapahilaba ha termino ni Presidente Ferdinand Marcos Jr.
Ginbuhat ni Garcia an pahayag baton kan Senadora Imee Marcos kasumpay han posibilidad han dire pagdudumara hin piniliay ha 2028.
Sumala ha COMELEC Chief, imposible nga mahitabo ini mahitungod nga klase nga ginmamando han Konstitusyon an pagdudumara hin piniliay.
Dugang pa niya, gintitikangan na han COMELEC an pangandaman para ha presidential elections bisan duha katuig pa ugsa ini pagdumaraon.
Kaupod ha mga gin aadman han ahensya an automation han piniliay, utro nga pag-aabri han voters registration, ngan paghimo hin mga rules ngan guidelines para ha eleksyon.
Syahan na nga ginpanhimuwa ni Presidente Marcos an isyu han “no-election scenario,” samtang gintawag naman ini han Malakanyang nga usa nga “diversionary tactic.”
