TACLOBAN CITY- Kumpleto na nga narecover han mga otoridad an upat katawo nga natahuban han landslide ha Barangay 43-B, Congressman Artemio Mate Avenue, Rizal Extension Tacloban City.
Guinmalatumat ni PCI Rex Cantillep, tagapagyakan han Tacloban City Police Office (TCPO) na ha guinbuhat na search and retrieval operation, guinkilala an mga namatay kan Delia Carzon 60 anyos an pangidaron, Zoe Hernandez, 17 anyos na studyante han Leyte National High School ( LNHS) , Alexander Mayoralgo ngan Zerjean Amancio.
Dugang pa ni Cantillep na naging makuri an guinbuhat na operation han mga ini mahitungod han naeksperiensyashan na pag- inuran
Manunumduman na nahitabo an madugo na landslide ha mao na lugar mahitungod han waray wantas na pag- inuran ha bug-os na Sinirangan Bisayas tikang pa dida han nakalabay na mga adlaw.
Samtang, mababaruan na nagbilin liwat hin duha na patay ha Northern Samar an naabat na karaot han panahon.
Guinkilala an mga ini kan Jonathan Castillo, 37 anyos an pangidaro, residente han Baranggay Bugko, Mondragon, ngan Cornelioto Lagunzad, 39 anyos an pangidaron ngan residente han Catarman, Northern Samar.
Nagpapadayon pa ha pagkayana an guinbubuhat na assessment han mga otoridad kabahin han naidurot han kalamidad ha kabug-usan na sektor han Rehiyon 8.
