SAN JOSE DE BUAN, SAMAR – Nakumpiskar han militar an nahibayaan nga mga armas han mga walhun nga grupo ha nahitabo nga engkwentro ha kabukiran han Barangay Can-aponte, San Jose de Buan, Samar.
Sumala kan 8th Infantry Division Philippine Army Division Public Affairs Officer, Maj. Jefferson Mariano, nagdudumara hin mas pinahuru-hugot nga military operation an 87th Infantry “Hinirang” Battalion han maka-engkwentro han mga ine an dire maubos ha 30 katawo nga membro han Yakal Platoon, Sub-Regional Committee (SRC) Browser, Eastern Visayas Regional Party Committee (EVRPC).
Humagos naman hin haros 30 minutos an nagin kaiha han balyuay hin buto han duha nga parte, kun diin nga kada-iya hin iskapo an mga membro han walhun nga grupo ngan nahibayaan an lima nga armas ngan pira pa nga kagamitan.
Nakumpiska han militar an upat nga M16 rifle, usa nga .45-calibre pistol, usa nga cellphone, mga medical supplies, ngan personal nga mga gamit.
Samtang, ginmalatumat pa hine nga mas papahuru-hugton pa han 8th Infantry Division an pag-ato ha rebelyon ngan pagduduso hin kahimyangan ha bug-os nga rehiyon.
