TACLOBAN CITY – Pira nga mga abogado ha pagkayana an nababaraka ngan hadlok na nga kumarawat hin mga drug cases mahuman an nanabo nga pag-ambush kan Atty. John Ungab nga abogado han gintutuuhan nga druglord nga hi Kerwin Espinosa.
Ha pakikipaghimangraw han Bombo Radyo Tacloban kan Atty. Leo S. Giron, Presidente han Integrated Bar of the Philippines (IBP) Leyte Chapter, nga diri mapugngan han iba nga mga abogado nga mahadlok ilabi na nga duha na ha mga abogado han mao nga bigtime drug pusher an napatay ha ambush.
Dugang pa hini, nga diri madali an kinabuhi han mga abogado ngan damo gihapon an ira sakripisyo sanglit naiintindihan niya kun kay ano nga damo an nadiri na pagkarawat hin mga drug cases.
Diri gihapon hira maaram kun kalugaringon kliyente o kaaway han ira kliyento an ira kalaban.
Gin-amin gihapon ni Atty. Giron nga humitaas tubtob P300,000 tikang ha P50,000 an acceptance fee han mga abogado mahitungod han mao nga isyu.
Sugadman, gintagan gihapon hin duon ni Atty. Giron nga kinahalang nga diri mangibabaw an kahadlok ngan himuon la han mga abogado an ira trabaho ngan responsibilidad.
