TACLOBAN CITY – Patay an usa nga menor de edad mahuman nga aksidente nga mabitay samtang nagmumulay gamit an pisi ha Sta. Fe, Leyte.
An mao nga biktima in usa nga lalaki, 12 anyos ngan grade 4 pupil ha mao nga bungto.
Sumala kan Pol. Capt. Proven Troy Castro, Acting Chief of Police han Sta. Fe Municipal Police Station, una anay nga may dumangop ha ira buhatan para igreport an gin aalegar suicide incident ha mao nga lugar.
Pero han magresponde na an mga kapulisan, didto na nahisabtan nga aksidente an iginkamatay han biktima.
Basar gihapon ha pahayag han kabugtuan hini, mag-usaan la nga nagmumulay an biktima pinaagi han pagpabitay-bitay gamit an mao nga pisi han aksidente nga mabul-iwan hini an pisi ngan nahigut ha iya liog.
Waray naman nakikita nga foul play an mga kapulisan ha mao nga insidente.
Mismo an pamilya hini in nagtutuo gihapon nga aksidente an nahitabo ha mao nga kamatayon han biktima nga menor de edad.
