Nagdig-on hi Senador Mark Villar nga anay sekretarya han Department of Public Works and Highways (DPWH), nga waray kamatuuran ngan waray madig-on nga ebidensya an mga alegasyton nga iginpasaka kontra ha iya, kasunod han desisyon han Independent Commission for Infrastructure (ICI) nga ig refer an iya kaso ha Ombudsman.
Ha usa nga pahayag, ginmalatumat ni Villar nga tikang ha katikang in klaro nga basaranan an mga akusasyon ngan natuod hiya nga magseserbi ine nga oportunidad agud maibuyagyag an kamatuuran.
Igin pahayag gihapon han senador an iya kaandaman nga makiusa ha gindudumara nga imbestigasyon han Ombudsman.
Abri naman daw hiya ha usa nga mahugot ngan patas nga imbestigasyon agud matudlok kun hin-o an tinuod nga angay magbaton.
Gin hangyo han ICI ha Ombudsman nga magdumara pa hin mas halarom nga imbestigasyon kontra kan Villar kaupod hira anay senadora Nancy Binay, anay Senate finance chairperson Grace Poe, ngan Senador Chiz Escudero.
