Kukumprontahon daw ni Senador Rodante Marcoleta hi Justice Secretary Jesus Crispin Remulla kasumpay ha pagbaribad hine nga ig upod an mga government contractor nga hira Sarah ngan Curlee Discaya ha Witness Protection Program (WPP) han gobyerno.
Iginduon ni Marcoleta, anay chairman han Senate Blue Ribbon Committee, nga kinahanglan igpailarom an mag-asawa nga Discaya ha Witness Protection Program han Department of Justice mahitungod ha daw mga hulga ha ira kinabuhi.
Dugang pa hine, ugsa hiya nagsurat han rekomendasyon para ha pirma ni Senate President Tito Sotto III, nakig-istorya anay hiya kan Remulla kasumpay ha posibilidad ng tugutan an mag-asawa nga Discaya nga magin state witness.
Ginmlatumat daw ni Remulla nga pwede ine, sanglit tumapod hiya ha nasabi nga pahayag.
Sugadman, iginpunto han senador nga iginkasubo niya an nagin panibag-o nga pahayag han sekretarya, nga amu gihapon an nagin basaranan ni Sotto agud dire pirmahan an iya surat.
Manunumduman nga ginmalatumat ni Remulla dida han Biyernes nga natuod hiya nga dire nagsusumat hin bug-os nga impormasyon an mag-asawa nga Discaya kasumpay ha maanomaliya nga flood control projects, rason agud dire niya suportahan an ira aplikasyon kumo state witness.
