NATIONAL – Gin sigurado han Palasyo han Malakanyang nga ada ha maupay nga kabutang an panlawas ni Presidente Ferdinand Marcos Jr.
Baton ine ni Palace Press Officer Usec Claire Castro ha butnga an mga espekulasyon kasumpay ha kabutang han panlawas han presidente nga gumawas ha social media.
Ginpahayag ni Castro nga an pamatuod nga maupay an panlawas han Presidente in an adlaw-adlaw nga pag-atender hine ha magkaduru-dilain nga aktibidades ha gawas han Palasyon ngan mga pagharampang ha Malakanyang, nga dire daw mabubuhat han Presidente kun dire in makusog, ngan waray ha maupay nga panlawas.
Nagmensahe naman hi Castro ha mga fake news peddlers nga dire himuan hin istorya an Presidente mahitungod nga dire nakakaupay ha nasud.
Mas maupay daw nga ig ampo nala han mga Pilipino an maupay nga panlawas para ha Presidente agud maipadayon hine an epektibo nga pagmamangulo ha nasud ngan dire umasta nga mga doktor ha social media.
