-- Advertisements --
TACLOBAN CITY- Sumurender na ha mga otoridad an duha ha tulo nga suspek nga responsable ha panawtaw ha Barangay Caanislagan, Burauen, Leyte.
Sumala kan PSSupt Norberto Tuazon, hepe han Leyte Police Provincial Office (LPPO) nga guinkilala an mga biktima nga hira Lucresio Vallena, Romeo Reporsado ngan Norberto Reporsado.
Samtang, guinkilala naman an mga magburugto nga suspek nga hira Dennis Vallena ngan Leo Vallena nga pareho sumurender ha mga otoridad ngan Ponciano Vallena nga nagpapabilin pa nga guinhihingita.
Guinmalatumat pa ni Tuazon nga personal nga kadurumton an hinungdan han mao nga krimen.
Samtang, napasakahan na hin kaangayan nga kaso an mga suspek.
