-- Advertisements --
TACLOBAN CITY– Ginmalatumat hiton Leyte Police Provincial Office, nga padayon la gihapon an ira ginhihimo nga pagbabantay ha mga checkpoints nga ira gintudlok ha rehiyon.
Sumala kan Leyte Police Provincial Office, Information Officer PLT. Mary Antonette Espina, ha pagtikang han holiday season naka heightened alert an ira bug-os nga han-ay, agud nga masigurado an kahimyang ngan seguridad han publiko.
Dugang pa hine, padayon gihapon nira nga ginmomonitor adton mga paburothon nga iginpapagbawal yana nga pagtapo han bag-o nga tuig.
Nanawagan naman ine ha publiko, nga likayan an mga delikado nga paburothon, ngan sumunod ha iginpapatuman nga aludayday han mga hintutuinan yana nga bespiras hiton bag-o nga tuig.
