-- Advertisements --
Dire ginpapabay-an han Department of Justice an kaso han mga nawawara nga parag-bulang.
Ini an ginsigurado han buhatan kun diin padayon nga nakatutok an mga prosecutor agud mapagbaton an negosyante nga hi Charlie “Atong” Ang ngan iba pa nga gintutudlok aada ha likod han pagkawara han mga ini pira na ka-tuig an nakakalabay.
Siyahan na nga nagpahayag hin pagkabaraka an pira nga kaanak han mga parag-bulang nga posible maapektaran an kaso mahitungod ha pag-amin han abogado ni Ang nga naghatag hiya hin kwarta ha pira nga pamilya kumo bulig.
Samtang, ginmalatumat naman ni Justice Sec. Eric Vida, nga labot ha testimonya in mayda gihapon hira ginbabantayan nga iba pa nga ebidensya nga maitutudlok nga mas marig-on sanglit magpapadayon iton kaso.
