ODD NEWS– Natagan hin diploma pagkahuman hin sobra 80 katuig an usa 101-anyos nga lalaki nga ginkinahanglan nga umundang ha high school ha West Virginia tikang han 1930’s.
Subay ha Jefferson County Schools ha West Virginia, hi Merrill Pittman Cooper, 101 years old, in nag-eskwela ha Storer College, usa nga anay hitaas nga eskwelahan ha Harper’s Ferry, pero kinahanglan niya nga mag-drop out ha iya senior year han tuig 1938 han bumalhin hira han iya nanay ha Philadelphia tungod ha problema pinansyal.
Hann tuig 2018 ha anay Storer College campus, nagpahayag hi Cooper hin paghihinayang kasumpay ha dire hine pakahuman han pag-aram, nga nagin dalan agud nga an iya mga relative in makipag-sumpayan ha Jefferson County Schools.
An mao nga pagpupursige nakarawat ni Cooper an usa nga honorary diploma han Jefferson County Schools ha usa nga seremonya hin pagtatapos ngan gin-atendiran naman han iya pamilya.
Samtang, sumala naman ha superintendent han Jefferson County Schools nga hi Bondy Shay Gibson-Learn, an Jefferson County Schools in nakatutok ha pagbulig ha kada estudyante, bata man o lagas nga matuman an ira nga ungara ha kinabuhi.
