-- Advertisements --
TACLOBAN CITY — Arestado an lima nga mga drug personalities ha gindumara nga buy-bust operation ha usa nga drug den ha Brgy 103, Palanog, Tacloban.
Kinilala an mga suspek nga hira Joel Bilicario Honaro, Lioba Dijios Nabor, John Antonio Abuda Pancho, Darwin Quijano Limosnira ngan hi Gary Martinez Marteja.
Sumala kan Rogellete Urgel, tagapagyakan han PDEA Regional Office 8, nakumpiskar ha mao nga operasyon an 13 kasachet hin gintutuohan nga shabu nga mayda estimated market value nga P88,045 ngan pira pa nga mga drug paraphernalia.
Ha pagkayana in temporaryo nga nakadeteni an mga suspek ha PDEA Detention Facility ngan mag-aatubang an mga ini hin kaangayan nga kaso ha ira pagtalapas ha RA 9165.
