TACLOBAN CITY – Nagpatuman hin libreng sakay para ha mga estudyante, Person with Disabilities (PWDs), senior citizen, lokal, ngan international tourist an syudad hiton Borongan.
Sumala kan Mayor Jose Ivan Dayan Agda han Borongan City Eastern Samar, ine in mahitungod nga mayda daw mga estudyante hiton ira syudad in dire nala napadayon ha kolehiyo mahitungod han kakulangan han ira budget han kada pamilya.
Sanglit, iginlunsar ine nira nga libreng sakay agud makabulig-bulig hadton estudyante ngan iba pa nga indibidwal.
Dugang pa hine, ine daw nga libreng sakay nga bus in naagi ha usa nga eskwelahan hiton kolehiyo ngan lima nga eskwelahan ha high school agud nga matagan hin mas madagmit nga access an mga estudyante.
Nagtitikang ine pagbiyahe hit alas 6 hiton aga ngan an last trip hine in alas 8 hiton gab-i.
