TACLOBAN CITY – Maabot na ha 95% an ihap han mga enrollees nga mga nag pa-enroll ha Leyte National High School yana nga school year 2022-2023, kun diin harani na hine maabot an ihap han mga nag pa enroll nga mga estudyante han nakalabay nga school year.
Sumala kan Berne Jude Lamograr, Information Officer han Leyte National High School, nga han nakalabay nga school year in nagkamayda hira 9,887 students nga ira naakomodar ngan hapagkayana maabot naman ha 9,485 na an ira mga nag pa-enroll nga mga estudyante.
Dugang pa han mao nga opisyal, nga target han ira pamunuan nga ma-akomodar o makapag enroll hin 10,000 nga mga estydyante yana nga school year.
Ginlalauman naman ni Lamograr, nga yana nga semana in madudugangan pa an ihap han ira mga enrollees ha grade 7 ngan grade 11.
