TACLOBAN CITY – Nagresulta hin dire maupay an marisyo nga pag-iinom han duha nga magsangkay, han magkamyada an mga ine hin mapaso nga diskusyon samtang nag-iinom an mga ine ha Brgy. Pilar, Oquendo District, Calbayog City.
Ginkilala an mga dabi han insidente kanda alyas Edgar, 39 anyos, parag-uma, residente han Oquendo District, Calbayog City, ngan alyas Joey, 33 anyos, residente gihapon ha mao nga lugar.
Sumala kan PLTCOL J-Rale Paalisbo, OIC Chief of Police hiton Calbayog City Police Office, ha butnga han ira pagkatarangka, nag-away an duha nga nagresulta han ira pagsuntokay pero nasaway dayon han ira mga kainom.
Mahuman an panhitabo, umuli ha ira balay ha alyas Joey pero ginlanat ine hi alyas Edgar ngan ginbuno ha kagiliran han lawas.
Dida han malakat na hi alyas Edgar, ginkuha ni alyas Joey an iya armas ngan gin pusil hi alyas Edgar ha likod nga parte han iya lawas.
Dayon naman nga nadara an duha ha Calbayog District Hospital para matagan hin medical nga atensyon.
Iginpailarom naman yana ha hospital arrest an hi Joey han Calbayog CPS. ngan gin-aandam na yana an kaso nga ipapasaka ha iya.
