TACLOBAN CITY- Patay an usa nga High Value Target nga lalaki dida han umato ini ha mga otoridad nga nagbuhat hin buy-bust operation ha Bato, Leyte.
Sumala kan PSI Arturo Salvacion, hepe han Bato PNP nga guinkilala an suspek kan Crispin Adaron Balas, 39 anyos an pangidaron, may asawa ngan residente han Barangay Daang Lungsod ha mao nga municipalidad.
Dugang pa han mao nga opisyal nga nakigpinusilay ha mga tinaglaws han kapulisan an suspek nga nagresulta han dagmit nga kamatayon hini.
Nakuha tikang poder han suspek an 4 ka sachet nga may sulod han guintutuuhan shabu nga nagkakantidad hin 15 mil pesos ngan usa nga kalibre 38 nga pusil.
Samtang, paslak naman an duha nga kaurupdan ni Balas ha illegal nga buruhaton nga hira Edison Pide Tablo ngan Jeffrey Manuerca Alboro.
