ODD – Usa nga costume designer ha US an nakaghipatik hin world record mahitungod ha ginhimo hine nga pinakadako nga robot costume nga basar ha usa nga Japanese anime!
Ginkumpirma han records keeping organization nga Guinness World Record nga hi Thomas DePetrillo an pinakabag-o nga record holder han titulo nga “Tallest Gundam Costume.” Ine in mahuman nga makabug-os hin costume replica han RX-78-2 Gundam robot nga mayda kahitaas nga 10 feet and 3 inches.
An nasabi nga robot in tikang ha 1979 anime series nga Mobile Suit Gundam.
Sumala kan Thomas, gin abot hiya hin upat kabulan ugsa mabug-os an costume kun diin mas maiha daw an nagin proseso han paghimo hine kumpara ha iba nira nga costume mahitungod nga naghimo pa daw hira hin espesyal nga double joint para ha tuhod ngan siko han robot agud magin realistic an pagkiwa samtang sul-ot ine.
Dire naman ine an syahan nga world record hi Thomas pag-abot ha costume making. Dida han nakalabay nga mga tuig in nakarawat niya an titulo nga “Tallest mobile superhero cosplay costume,” mahitungod ha iya Iron Man costume, “Tallest mobile cosplay costume based on a videogame” para naman ha iya Reinhardt costume, ngan “Tallest mobile cosplay costume” para ha iya Bumble costume.
