Usa nga lalaki ha Spain nga ginkilala kumo serial World Record breaker an nakalahos ha iya kalugaringon record, an pinakamadagmit nga pagdalagan hin 100 meters nga paatras samtang nakasul-ot hin high heels.
Hi Christian Roberto Lopez Rodriguez an ginkilala para ha titulo nga “fastest 100 meters backwards in high heels” nga may record time nga 16.55 seconds.
Nalahusan niya an iya anay record nga 20.05 seconds. Sumala ha patakaran han Guinness, kinahanglan may kahitaas nga dire mahamubo ha 2.76 inches an takong hin sapatos nga gagamiton.
Hi Rodriguez in may kapot han sobra 80 nga Guinness World Record. An iya mga kakaiba nga titulo in nagpakita hin pambihira nga kakarit ha magkadurudilain nga aspeto.
Kaupod ha iya mga record in an pinakamadagmit nga pagdalagan hin 100 meters samtang naka-tsinelas, pinakamadagmit nga 100 meters samtang may dara nga bunay ha kutsara gamit an baba, ngan pinakamadagmit nga meters samtang nakasul-ot hin clogs o bakya.
