ODD NEWS- Kadam-an ha aton kabombo in naghihingyap nga magkamayda hin maupay nga kinabuhi, makab-ot an ginhihingyap nga maupay nga trabaho ngan matuman an ordinrayo nga ungara han usa nga tawo.
Maaram ba kamo kabombo nga usa nga lalaki ha nasod Japan nga iba nga karuyag ha kinabuhi kundi magin usa nga ayam!
Nag-viral ha social media partikular na ha Twitter an usa nga twitter user nga hi @toco_eevee, mahuman nga igpost hine an iya litrato kun diin nakasul-ot hiya hin tinuod costume kumo usa nga ayam.
Sumala ha iya, umabot hin 2-million yen o katumbas han P823,000 an iya nagastos para makapagpahimo hin tinuod nga costume tikang ha kompanya nga Zeppet ngan nagdugay ine hin sobra duha kabulan para la mahimo an mao nga costume.
Mababaruan nga madugay na nga pangarap ni Toco nga ma-experyensyahan kun paani magin usa nga ayam matungod na gihapon ha pagigin “pet lover.”
Samtang, ginpili gihapon niya an breed nga “Colie” matungod nga mas magigin- tinuod pagkitaon kun ine an iya igpapahimo nga costume.
