Ginlalauman nga magkakamay-ada hin dako nga rollback ha presyo han gasolina, diesel, ngan kerosene ha masunod nga semana, kasunod han padayon nga pag-ubos han presyo han lana ha world market.
Subay ha tulo kaadlaw nga Mean of Platts Singapore trading, posible nga umubos hin P10.20 an kada litro ha gasolina, P3.50 naman an diesel, ngan P3.60 naman ha kerosene.
Subay ha report, napugngan hadto an pagkabaraka ha posible nga pag-atake han United States ha Iran an pag-ubos han presyo han lana. Sugadman, nakabulig ha pagpahaluag han pagkabaraka an dako nga kadaugan han Democtratic Party ha midterm elections ha US, nga naghatag ha oposisyon hin mas dako nga impluwensiya ha Kongreso ngan Senado.
Samtang, nakabawi naman hin gutiay an piso ngan nagsara pa ha balyuay nga P63.05 kada dolyar dida han Nobyembre 6. Importante an balyuay mahitungod nga dolyar an ginagamit ha pagpalit han krudo ha world market.
Syahan naman nga sumaka ha pinakahitaas nga lebel ha sulod han tulo katuig an inflation rate ha Pilipinas, nga umabot ha 7.8% dida han Oktubre, resulta han paghitaas han presyo han lana ngan pamasahe.
Padayon naman nga ginagamit han Bangko Sentral ng Pilipinas an mahugot nga polisiya agud mapugngan an paghitaas han presyo.
