-- Advertisements --
TACLOBAN CITY – Padayon an gindudumara nga mga programa han grupo nga Kusog Sinirangan Eagles Club agud nga makabulig ha mga nanginginahanglan labi na yana nga panahon hiton pandemya.
Sumala kan Edwin Bareja, Kusog Sinirangan Eagles Club President, usa ha ira mga prayoridad nga natagan hin bulig amu adto mga skwelahan ha rehiyon.
Dida han naglabay nga semana in ada ha 3 nga mga elementary school na ha bungto han Javier Leyte an ira natagan hin mga school supplies sugad han bond paper, ink, ballpen, face mask ngan face shield.
Labot la hini nagkakamay-ada gihapon hira iba nga programa sugad hiton feeding program ngan clean up drive.
