-- Advertisements --
ENTERTAINMENT – Dagmit nga gindara ha ospital an Queen of All Media nga hi Kris Aquino, agud magpa-ilarom ha ultrasound ngan iba pa nga laboratories mahuman nga gumawas an nakaka-alarma nga resulta han iya blood panel.
Ha usa nga Instagram post han nakalabay nga Martes, iginpasaro ni Kris nga aadto hiya ha ospital kaupod an iya anak nga hi Bimby para kumarawat han iya ika-duha nga dose han medisina.
Sumala kan Kris, igin-isplikar ha iya han tulo nga espesyalista nga diri puydi iglangan an mga pagkadto ha ospital mahitungod nga posible mabutang ha kadelikaduhan an iya kabutangan.
Kun manunumduman nga hi Kris in mayda 11 autoimmune diseases ngan ha pagkayana in natumar hin magkusog nga medisina.
