NATIONAL NEWS– Suspendido na gihapon an tanan nga klase ha adlaw hiton Martes, Nobyembre 11, 2025, ha pira nga mga rehiyon ha nasud matungod han Super Typhoon Uwan (international name: Fung-Wong), subay ine ha nagin anunsyo han Malacañang.
Sakop han suspensiyon an mga masunod nga rehiyon;
National Capital Region
Cordillera Administrative Region
Region I
Region II
Region III
Region IV-A
Region IV-B
Region V
Region VIII
Region VI
Region VII
Negros Island Region
Kasumpay hine, una na nga ginsuspender han Malacañang an tanan nga klase ha pampubliko ngan pribado nga ekwelahan ha 12 nga rehiyon ha nasud yana nga adlaw hiton Lunes, Nobyembre 10 kasumpay na gihapon ha Super Typhoon Uwan.
Sakop han suspensyon an Metro Manila, Cordillera Administrative Region, Ilocos Region, Cagayan Valley, Central Luzon, Calabarzon, Mimaropa, Bicol, Eastern Visayas, Western Visayas, Central Visayas, ngan Negros Island Region.
Labot la dinhe, ginsuspender gihapon han Malacañang an trabaho ha mga government offices yana nga adlaw hiton Lunes, sugad hiton mga rehiyon han Metro Manila, CAR, Ilocos, Cagayan Valley, Central Luzon, Calabarzon, Mimaropa, Bicol, ngan Eastern Visayas.
Nagpagawas na gihapon hin tagsa-tagsa nga anunsyo an mga lokal nga pangobyernuhan kun diin kadam-an ha mga ine in nagkansela han klase ha tanan nga lebel ha pampubliko ngan pribado nga eskwelahan.
