TACLOBAN CITY – Guinpatapod han contructor na matatauran na hin kuryente an Greendale na resettlementsites nga namumutang ha norte na parte ha syudad han Tacloban.
Sumala han contructor na hi Hanzel Guevarra na magbibiling ini hin pamaagi para mabaton an maiha na nga reklamo han mga nag-uukoy ha mao na pabahay yana na bulan han Abril.
Guinklaro naman ni Guevarra na may ada nira diri pagkaintindihan ha pira na tinaglawas han National Housing Authority (NHA) Regional Office 8 amo nga nalalangan an ira guinbubuhat na mga pitad.
Naghangyo guihapon ini ha NHA na buligan hira para diri maalakbatan an ira responsibilidad ha mga pabahay.
Samtang, una naman na guinpahayag han Leyte Electric Cooperative (LEYECO) II na kinahanglan anay na magbayad ha ira an contractor para hapsay na magdumara hin bidding ngan makapalit han mga guinkikinahanglan na materyales para ha pagtaod han linyada han kuryente ha pira na mga panbahay ha Tacloban.
