-- Advertisements --
TACLOBAN CITY — Padayon an paghitaas han kaso han dengue nga nahihipatik ha bugos nga sinirangang bisayas.
Sumala kan John Paul Roca, tagpagyakan han DOH RO8, nga nakakaalarma an paghitaas han kaso han dengue yana nga umabot na ha 77 porsiyento nga mas hataas kumpara han mga nakalabay nga tuig.
Subay ha pinakalatest nga datus han DOH ada na ha 7,604 an ihap han mga na dengue ha rehiyon kun diin 34 diin an naawatan hin kinabuhi.
Ha pagkayana in padayon daw an ira pakipagsumpayan ha mga kada barangay nga magburublig agud nga mapugngan an kaso han dengue pinaagi han pagsunod han pamaagi nga ginduduso han DOH.
Mababaruan nga an bungto han Baybay Leyte la gihapon an may pinakahataas nga ihap han dengue cases ha Probinsya han Leyte.
