Nanawagan an Philippine National Police (PNP) ha publiko nga magin kalmado ngan likayan an sobra nga pagtitirok hin mga essential supplies kumo pangandaman ha epekto han duro nga El Niño.
Sumala kan PNP Chief General Jose Melencio Nartatez Jr., an nasabi nga sitwasyon in mas nanginginahanglan hin praktikal nga pangandaman imbes nga mag-panic.
Dugang pa, gamiton ha maupay an tubig, planuhon kun ano an panginahanglan han pamilya ngan likayan nga pumalit hin sobra ha kun ano la an kinahanglan.
Dugang pa ni Nartatez, dire kinahanglan mag-hoard mahitungod nga kun sakto an ginpapalit ha pan-adlaw-adlaw in mas damo an magkakamay-ada hin akses ha mga pangunahon nga panginahanglan.
Ha yana, nagdudumara na gihapon hin mga praktikal nga pamaagi an PNP ha mga opisina ngan pasilidad hini kadungan han pagsigurado nga dire naundang an paghahatag hin sebisyo-publiko.
Gin aghat gihapon han PNP an publiko nga magin alerto ngan ig-report ha kapulisan an mga insidente han hoarding ngan an dire resonable nga paghitaas ha mga presyo han papliton.
