METRO MANILA – Natuo an kampo ni Senador Jinggoy Estrada nga mahinay an mga ebidensya nga nagduduon ha iya ha mga maanomalya nga flood control projects.
Pahayag ini han legal counsel ni Estrada han pumakadto an senador ha Department of Justice para personal nga magsumite han iya counter affidavit.
Naatubang hi Estrada ha reklamo nga plunder mahitungod ha maanomalya nga flood control projects ha Bulacan.
Sumala kan Atty. Bianca Soriano nga dire insakto an mga dokumento ngan testimonya agud umabante an reklamo mahitungod ha mga inconsistencies han pira nga testigo ha kaso.
Samtang, ginkumpirma gihapon han kampo ni Estrada nga nagpasaka hira hin mosyon ha Manila Regional Trial Court agud tanggalon an Precautionary Hold Departure Order mahitungod ha kawaray hini basaran.
Ugsa hini in ginhahangyo na gihapon han senador ha Sandiganbayan nga tugutan hiya makagawas han nasud tikang Marso 30 kutob Abril 5 para ha personal trip.
