NATIONAL–Nagpasa an kampo ni anay Presidente Rodrigo Duterte hin kalugaringon nga medical report tikang ha mga ginkuha nira nga mga medical experts.
Sumala ha abogado han anay pangulo nga hi Nicholas Kaufman, nga an pitad in kumo suporta ha pahayag nira han tinuod nga butang han panlawas han 80 anyos nga anay pangulo ngan kun kay ano kinahanglan na ini igpagawas tikang ha pagkapriso ha International Criminal Court (ICC) facility.
Ha 12-kapaypay nga reprot nga ginpasa nira ha ICC Pre-Trial Chamber I nga mayda sulod nga bag o nga medical evidence in kumo pagsuporta ha Pre-Trial Chamber ha panlawas han anay pangulo para ha pag atubang hini ha hearing.
Nakasulod gihapon ha joint report nga an anay presidente in nagkukulang hin executive functioning, nakahipatik gihapon hin kakulangan hin kapasidad nga mag-plano, kulang gihapon ha abtik nga mag-desisyon, nagkukulang ha kusog pisikal ngan waray abilidad nga likayan an mga ine.
Mahitugod gihapon hini in waray abilidad an anay pangulo nga bantayan an mga witness ngan ruba-on an integridad han imbestigasyon.
Hangyo gihapon ni Kaufman nga dapat in ig-istudyohan na han Pre-Trial Chamber an pag-aprubar han interim release ni Duterte mahitungod ha gintudlok nga mga kondisyon han anay pangulo.
Mababaruan nga han ika 5 han Disyembre 2025 in nagtalaga an ICC hin panel of experts nga manginginano ha panlawas han anay pangulo kun mayada abilidad nga umatender ha hearing han kaso niya.
