NATIONAL – Mas magigin agresibo an Kamara yana nga 20th Congress ha pagduduso han mga balaod nga may paghisumpay ha sweldo ngan presyo han lana ngan sisiguraduhon an koordinasyon ngan malaksi an aksyon agud maiduso an mga importante nga balaod.
Sumala kan Tingog Party-list Representative Jude Acidre, dire gindadagmit an mga importante nga balaudnon mahitungod nga mayda pira nga sektor nga kinahanglan makunsulta.
Reaksyon ine ni Acidre ha panawagan nga kinahanglan mas unahon agud dayon nga mapadig-on an mga balaudnon nga “malapit sa sikmura”.
Yana nga 20th Congress, igin papanawagan nga igduso an pag-amyenda ha oil deregulation law mahitungod ha padayon nga paghitaas han presyo han mga produkto nga petrolyo.
Ha isyu naman han paghitaas han sweldo, gin sukna hine an mahinay nga aksyon han Kamara ha isyu han legislated wage hike sanglit waray kaipasar ugsa an sine die adjourment han 19th Congress.
