TACLOBAN CITY- Pira nga mga opisyales, negosyante ngan magin an ordinary nga indibidwal in nagpapamulat ha anunsyo nga igpapagawas hiton Department of Public Works and Highways (DPWH) kasumpay hiton progreso han paghingayad han San Juanico Bridge.
Sumala kan Hon. Wilson Uy, Board Member 1st District Leyte, naglalaom hiya nga may maupay na nga progreso an rehabilitasyon han San Juanico Bridge, sugad han nagin patapod han DPWH nga papahitas-an nira ha 12-15 tons capacity an pwede nga makatabok ha nasabi nga tulay.
Dugang pa hine, iya ginbabana-bana nga posible dire ha sakto nga oras ngan petsa magpapagawas an DPWH hin kadugangan nga load limit capacity han San Juanico yana nga bulan, sanglit nga naghangyo an iya buhatan ha Office of the Civil Defense (OCD), nga kun mahihimo in tagan hin ekstensyon an ira ginpatuman nga libreng sakay, samtang waray pa opisyal nga direktiba nga naipapagawas an DPWH.
Usa mangud ha mga apektado han paglimitar han load limit capacity nga pwede makatabok ha San Juanico Brigde in adton mga basic commodities nga gintatabok pakanhi ha Leyte ngan Samar.
Mababaruan na damo an naglalaom nga mga indibidwal nga madudugangan na an load limit capacity han nasabi nga tulay labi na yana nga holiday season.
