Gin siguro ni Bicol Saro Party-list Representative Terry Ridon nga magigin patas an House Committee on Justice ha pagkapot han impeachment proceedings kontra kan Vice President Sara Duterte.
Tatagan gihapon hin higayon an bise presidente nga batunon an mga akusasyon kontra ha iya ha oras nga makitaan hin ‘sufficiency in form’ ngan ‘sufficiency in substance’ an mga reklamo.
Nakadepende naman ha Bise Presidente kun maatender hiya ha proceedings.
Buwas nga adlaw, Marso 2, in pormal nga titikangan an tulo kaadlaw nga preliminary deliberation ha upat nga impeachment complaints kontra kan VP Sara, kun diin kikitaon kun ‘sufficient in form’ ngan ‘sufficient in substance’ an mga iginsalawad nga reklamo.
Gin sigurado naman han magbabalaod nga igpapatuman han Justice Committee an ngatanan han relevant rules ha impeachment sugad han ginpatuman ha naglabay nga impeachment proceedings kan Presidente Ferdinand Marcos Jr.
Samtang, sumala kan Rep. Ridon, posible naman igpatawag hi Madriaga ha formal hearings han impeachment complaint kontra ha bise-presidente.
Gin klaro han magbabalaod nga ha yana, an korte ngan an Bureau of Jail Management and Penology (BJMP) ha Bicutan, Taguig City, kun diin nakadetine hi Madriaga, an mayda hurisdiksyon ha iya seguridad.
Ha oras naman nga igpatawag hi Madriaga agud umatubang ha proceedings han Justice Committee, makikigsumpayan an Habubo nga Kapulungan han Kongreso ha BJMP ngan korte agud masigurado an katalwasan ni Madriaga ngan makaatender ha proceedings.
