-- Advertisements --
TACLOBAN CITY — Patay an usa nga jail guard han Basey Samar Sub Provincial Jail mahuman nga umato ha guindumara nga operasyon han mga kapulisan ha Brgy. Buscada Basey Samar.
Nakilala an suspek nga hi Aristotle Fernandez, 43 anyos an pangidaron.
Sumala ha hepe han Basey PNP, nga mahuman an guindumara nga drug transaction in nakabati an suspek ha presensiya han mga operatiba ngan dagmit nga nakipagbalyuay hin buto ha mga kapulisan.
Nakaangkon hin pira nga igo ha lawas an suspek nga nagresulta han kamatayon hini.
Nakuha naman ha posesyon han suspek an 1 pistol ngan 1 sachet nga may sulod han guintutuuhan shabu.
