BEIJING, CHINA – Usa nga kakaiba nga klase han strawberry an ginsusurong hiton mga mamaralit ha China mahitungod ha kakaiba nga kolor ngan presyo hini.
Gintawag nga “Black Pearl Strawberries” o an “Hermes of strawberries,” an mga prutas nga may kolor nga dark purple nga haros magin itom mahitungod ha hataas nga anthocyanin content, usa nga klase han natural pigment o kolor ngan antioxidant.
An kakaiba nga strawberry in nadalagan hin 320 Yuan per pound o P2,700 pesos o aada ha 50 Yuan o 420 pesos kada usa kabug-os.
Basar ha mga nakapalit, mas matam-is ini kumpara ha ordinaryo nga strawberries, pero sumala ha mga parag-uma ha Hangzhou ngan Qingdao, mahal ini mahitungod nga makuri ini padakuon ngan gutiay la an nahaharvest kumpara ha iba nga variety han strawberry.
Ha kaluyo han hataas nga demand, nag-aalangan la gihapon an iba nga growers nga sudlon an nasabi nga negosyo mahitungod nga makuri an cultivation ngan maintenance hini.
