JERUSALEM, ISRAEL – Intrimis nga ginpanhimuwa ni Israeli Prime Minister Benjamin Netanyahu an nagsasarang nga notisya nga daw patay na hiya.
Ha usa nga video nga ginpaangbit, makikita nga kuwarawat hiya hin mapaso nga kape ha usa nga cafe harani ha Jerusalem ngan nag-intrimis ini nga “patay na patay ako ha kape,” usa nga ekspresyon nga nangangaruyag signgon nga duro an iya pagkaruyag ha kape.
Ginmandohan gihapon niya an iya mga tawo ngan ginpakianhan kun karuyag ihapon han mga tawo an iya mga tudlo, kumo baton ha mga espekulasyon online nga AI-generated an iya urhi nga televised address mahitungod nga daw unom an iya tudlo ha video.
Kaupod hini, ginaaghat ni Netanyahu an mga Israeli nga sundon an safety instructions ha butnga han tarhog han rocket attacks, samtang ginduon nga padayon an grabe nga pag-atake han Israel kontra ha Iran ngan Lebanon.
Samtang, nanarhog naman an Islamic Revolutionary Guard Corps han Iran nga ira papamilngon ngan ig-a-assassinate hi Netanyahu sumala ha notisya han Islamic Republic News Agency.
