INTERNATIOAL – Ginpakusog pa nhan Israeli military an ira panbomba ha Gaza ini in mahuman nga magpagawas hin bag-o nga evacuation orders an Israeli military dida han Lunes.
Samtang nagaandam naman an mga opisyal han Israel para ha pagharampang nira ha White House kasumpay ha possible nga ceasefire.
Manunumduman nga an bag-o nga airstrikes ngan operasyon ha norte nga parte han Gaza in nagdara hin grabe nga destruso ha mga komunidad, kasnod han mga mass evacuation orders.
Sumala ha mga residente, nagpapadayon an ginbubuhat nga panbomba han Israeli military ha mga eskwelahan, kabablayan, ngan iba pa nga mga lugar han mga sibilyan ha rehiyon.
Nahipatik nga nakasulod na n mga tangke han Israel ha silangan nga parte han Zeitoun suburb ngan nagkamayda hin mga serye han panbobomba didto.
Naireport nga inbomba han militar han Israel an upat nga eskwelahan, kun diin pira nga mga pamilya an nagserbe kumo mga evacuees, samtang maabot 38 katawo an namatay ha mga airstrike han Israel dida han Lunes, kaupod na an 10 ha Zeitoun ngan 13 ha southern Gaza City.
Samtang, ginkumpirma naman han militar han Israel nga ira ginpuntirya an mga militante nga grupo nga gin-aalegar ha norte han Gaza. Pero waray pa opisyal nga pahayag an Israel bahin han mga casualty.
