Nag-anunsyo an Iran hin alternatibo nga ruta para ha mga barko nga maagi ha Strait of Hormuz mahitungod kadelikaduhan han sea mines ha pangunahon nga aragian.
Ini in kasunod han temporaryo nga pag-aabri utro han strait kumo kaparte han duha kasemana nga ceasefire ha butnga han Iran ngan Estados Unidos.
Sumala ha Iranian Revolutionary Guards, gin aabisuahan an mga barko nga gumamit hin iba nga ruta agud malikayan an bungguayt ngan hulga tikang ha mga mina ha dagat.
“All ships intending to transit the Strait of Hormuz…they should take alternative routes for traffic in the Strait of Hormuz,” subay ha ira pahayag.
Nagpagawas gihapon hira hin mga abiso para ha alternatibo nga entry ngan exit routes ha nasabi nga aragian.
An Strait of Hormuz in importante nga ruta han lana kun diin naagi an sobra-kulang 1/5 han suplay han lana ha kalibutan.
