NATIONAL–Waray pa gin-isyu nga red notice tikang ha International Criminal polcie Organization (Interpol) kontra kan anay COngressman Zaldy Co, sumala ha National Bureau of Investigation (NBI).
Ginduon ni NBI Director Lito Magno, lampas ha kontrol han gobyernuhan an pag-isyu hin red notice ngan mismo an interpol an nagdedesisyon kasumpay hini mahitungod nga hira an nagpro-proseso ngan nag-eekssamin ha request.
Pero, bisan nga waray pa Interpol red notice, nagpapadayon an manhunt operation ngan intelligence work han NBI agud nga mabilngan an anay mambaralaod, kalakip an iya urhi nga lokasyon ngan pag-monitor ha iya posible nga mag safe houses.
Ginbeberipika gihapon han NBI an impormasyon kasumpay ha properties nga konektado kan Co sugad han iya balay, business address ngan iba pa nga lugar kun diin hiya posible nga nabibilin o mayada operasyon.
Nakikig-koordinar gihapon an ahensya ha ira foreign counterparts pamaagi hin official channels.
Samtang ginhuhulat naman an posible nga red notice, ginmalatumat han NBI nga ginpapakusog hini an ira search operations ha nasud ngan pagberipika ha asset nga makakagtutdo kun diin hi Co ngan makatirok na gihapon hin ebidensya nga mayad kalabutan ha kaso.
