TACLOBAN CITY-Maupay nga balita para ha mga hubya nga magwork-out matungod nga mayda ospital ha Thailand nga nag-ooffer hin operasyon para ha mga karuyag nga magkaada hin six pack abs nga nadire umagi ha ehersisyo ngan diyeta.
An kakaiba nga operasyon in ginooffer han Masterpiece Hospital ha Bangkok ngan sumala ha CEO han ospital nga hi Raweewat Sae Maschamadol, nga nakakakarawat hira hin maabot 20-30 nga pasyente kada tuig nga karuyag nga magkaada hin instant abs.
Imbes nga gumamit hin silicone implants in ginuukit na la an abs pinaagi han pagtanggal ha mga tambok nga nakapalibot ha tiyan han pasyente para gumawas an gintatawag nga six pack abs.
Dire daw la para ha mga hubya an mao nga operasyon matungod nga pareho kan Ome Pangpaparn nga ha kauyo dawla gihapon han pagdidiyete ngan pageehersisyo ngan dire la gihapon nga makuha nga magkaada hin six pack abs.
Sumala naman kan Ome nga ginbuhat na niya an ngatanan sanglit iya nala ginpasagdan an doktor ha kinahanglan hine nga buhaton para makab-ot an iya hinyap nga six pack abs.
