INTERNATIONAL – Nakatalaan magdesisyon an Constitutional Court ha impeachment ni South Korean President Yoon Suk-yeol ha adlaw han Biyernes, Abril 4.
Ini in pira ka-bulan mahuman hiya suspendiron kasunod han pagdedeklara han martial law dida han Disyembre 2024.
Ugsa hini, manunumduman nga pira nga impeachment hearings an ginbuhat han korte agud matudlok kun opisyal nga tatanggalon ha pwesto hi Yoon.
Bisan man kutob Hunyo an pagdesisyon han korte in kadaras-an naman ini nagiiha la hin pira ka-semana an pag-iisyu nira hin rulings ha nakalabay nga mga presidential impeachment cases.
Agud matanggal ha pwesto hi Yoon, kinahanglan ng bumutos hin pabor an 8 nga justices ngan kun magdesisyon an Consitutional Court nga pormal na nga tatanggalon ha pwesto hi Yoon, magdudumara naman ini dayon hin eleksyon ha sakob hin 60 ka-adlaw.
Samtang, presente naman nga nagmamangulo kumo acting President an kaalyado ni Yoon nga hi Prime Minister Han Duck-soo nga gin-impeach gihapon pero ginbalik ha pwesto dida han mga nakalabay nga semana mahuman ibasura an korte an iya impeachment case.
