-- Advertisements --
TACLOBAN CITY–Nakaka-abat hin hamubo nga ihap hiton mga pasaheros an pira nga mga pampubliko nga sarakyan ha syudad han Tacloban, matungod han pagbutho hiton magraot nga panahon.
Ginmalatumat ni Leo Templado BOD/Vice Chairman han TAMADOTCO, diri nsugad han naglabay nga mga tuig kun diin damo an mga pasaheros han pag-abot han Nobyembre ngan Disyembre.
Dugang pa hine, usa ha mga rason nga nahamubo an ihap han ira pasaheros an pagkakansela hiton mga klase matungod han kalamidad.
Naglalaom naman ine sugadman an pira nga mga drivers nga makaka-bawi hira yana nga tikaharani na iton kapaskuhan ngan pagtapo hiton bag-o nga tuig.
Nanawagan naman ine ha mga pasaheros, nga mag-andam hin insakto nga pamasahe partikular na adton mga estudyante.
