NATIONAL – Bisan man kun umubos an ihap han krimen ha nasud in nagkakamay-ada naman daw hin pagkabaraka an publiko mahitungod ha mga sayop nga impormasyon nga ginpapasarang ha social media, sumala kan House Assistant Majority Leader Jil Bongalon han Ako Bicol Party-list.
Ginmalatumat ni Bongalon nga umubos an kaso han krimen subay ha opisyal nga datos tikang kan Philippine National Police (PNP) Chief Gen. Rommel Francisco Marbil, nga nagpapamatuod han pag-upay han seguridad han publiko ha ilarom han administrasyon ni Presidente Ferdinand “Bongbong” R. Marcos Jr.
Sugadman, sumala kan Bongalon, an mga pagbabag-o in nasasapawan han mga viral post ha social media nga kaurugan in kulang ha konteksto o dire tinuod, ngan nagpapasarang hin kahadlok ngan pagkabaraka ha publiko.
Subay ha datos han PNP, umubos hin 26.76% an focus crimes—tikang ha 4,817 nga kaso dida han Enero 1 kutob Pebrero 14, 2025, ngada ha 3,528 kumpara ha kaparehas nga panahon yana nga tuig.
Kaupod ha mga focus crimes an pangawat theft, robbery, rape, murder, homicide, physical injury, ngan carnapping hin motorsiklo ngan sarakyan. Subay gihapon han report, an rape in mayda pinakadako nga pag-ubos nga umabot hin sobra ha 50%.
Iginpakita gihapon han year-on-year data an 7.31% nga pag-ubos han focus crimes, tikang ha 41,717 nga kaso dida han 2023 kumpara ha 38,667 yana nga tuig-2024.
Ginsegundahan naman ni Bongalon an panawagan ni Marbil nga nananawagan ha mga brodkaster ngan online users nga ig report an kirmen hin mayda patas nga pagkita ngan sakto nga konteksto, ngan likayan an pagpapaduro han insidente nga posible magdurot hin sayop nga impresyon ha kabug-usan nga sitwasyon.
