NATIONAL- Ginpahayag han International Criminal Court (ICC) Registry nga usa nga independent expert ngan dire an medical officer han detention center an manginano kun fit hi anay Pangulong Rodrigo Duterte nga umatubang ha hearing.
Ha ginpagawas nga dokumento han Setyembre 30, ginbaton han ICC Registry an hangyo han depensa han anay Pangulo nga ig-ugsod nga waray kasiguraduhan kun sano igpapadayon an hearing matungod ha cognitive impairment.
Ginklaro han ICC Registry nga responsibilidad han medical officer an pag-atiman ha mga nakapreso, ngan dire an manginano han ira mental competence.
Sanglit ginrekomenda hine an usa nga eksperto tikang ha ICC roster an magdumara hin halarom nga medical evaluation.
Dugang pa hine, posible nga igsumiter han korte an medical records ni Duterte pero dapat in may katugutan agud nga mapabilin an pagigin confidential han impormasyon.
