Igin duon han International Criminal Court (ICC) nga hi anay Pangulong Rodrigo Duterte in mayda direkta nga kontrol ngan naghatag hin suporta nga pinansyal ha haluag nga pamatay ha ilarom han iya anti-narcotics campaign.
Ha gindumara nga confirmation of charges hearing kakulop nga adlaw, gin punto ni ICC Prosecutor Mame Mandiaye Niang nga ginpopondohan ngan personal nga gintudlok han anay presdiente an mga target han Davao Death Squad o DDS.
Sumala kan Niang, importante an kontribusyon ni Duterte agud ma-‘neutralize’ an mga kriminal ha Pilipinas pinaagi han pagpatay.
Gintagan-duon han prosecutor nga labot ha regular salary, nakakarawat gihapon hin cash per head an mga direkta nga suspek nga sumunod ha mando mahitungod ha kahadlok, reward, o pagigin tangkod.
Pamatuod gihapon han kapas ni Duterte an pagpalusad han kaso han pamatay han igpasuspendi hini hin duha kabeses an operasyon.
Naaatubang hi Duterte ha tulo nga ihap han crimes against humanity mahitungod ha kawaray hin due process para ha mga biktima.
Subay ha datos han gobyerno, maabot ha 6,200 an napatay ha drug war, pero iginduon han human rights groups nga posible umabot ini ha 30,000.
Igpapadayon naman an pagdungog yana nga adlaw, Pebrero 24, ngan ha mga masunod nga adlaw, Pebrero 26 ngan 27.
