-- Advertisements --
NATIONAL NEWS – Ginklaro han International Criminal Court (ICC) nga nagpapabilin nga naka-detain hi anay President Rodrigo Duterte ha The Hague, Netherlands.
Ini in mahuman nga tumugot an ICC Pre-Trial Chamber I ha hanyo han kampo ni Digog nga igdelatar an pagdesisyon ha iya interim release o temporary nga kagawsan.
An nasabi nga pagklaro in iginpagawas han ICC Public Information and Outreach Section.
Kun manunumduman nga sobra upat na ka-bulan nga naka-detain an anay presidente han Pilipinas ha detention facility han ICC tikang han nadakop hiya han nakalabay nga Marso 11 mahitungod ha crimes against humanity kasumpay ha mga gin-aaligar nga panmatay ha ilarom han iya kamapnya kontra ilegal nga droga.
