NATIONAL NEWS- Ginbasura han International Criminal Court (ICC) an petisyon han kampo ni anay Pangulong Rodrigo Duterte kasumpay ha jurisdiction han korte.
Subay ha desisyon han ICC Pre-Trial Chamber nga iginpagawas han Oktubre 23 in nanindugan hir anga otorisado an mga ine nga igdayon an kaso kontra ha anay presidente matungod ha crimes against humanity.
Dugang pa hine, pwede nira kaptan an kaso bisan natabo na an krimen ha Pilipinas.
Ginbaribaran gihapon han korte an hangyo nga depensa nga ig-ugsod an pagpapagawas han desisyon.
Karuyag sidngon hine nga an prosecution han kaso in madadayon ha The Hague.
Manunumduman, gin-ugsod an confirmation of charges hadton Setyembre 23 matungod ha hangyo han kampo ni Duterte.
Kalakip naman nga ginbasura han ICC Pre-Trial Chamber an hangyo han defense team nga interim release han anay pangulo.
