TACLOBAN CITY – Arestado an high value target nga maglive in partner ha ginudmara nga buybust operation ha Catarman Samar.
Ginkilala an mga suspek nga hira Jojie Andales residente han Mckinley Catarman ngan live in partner hine nga hi Ernesto Dizon residente han San Jose Navotas City.
Sumala kan PMaj Joseph Quilitano hepe han Catarman PNP, nga nakuha ha babaye nga suspek an P87K nga kantidad hin kwarta kaupod an 1 medium ngan small sealed nga gintotoohan shabu.
Nakuha gihapon an 6.36g hin ilegal nga droga nga usa ha pinakadako nga narekopo han mga kapulisan nga ginbabana bana nga mayda sobra pa ha P80K nga market value.An suplay hine in ginpapaagi han tracking nga tikang ha Metro Manila kun diin an item hine in ginsusulod ha surudlan hin produkto sugad hin speaker ngan plantsa.
Mababaruan nga an suspek nga babaye in paryente ni Rolando Andales nga usa ha top 3 drug personality ha national level nga naneutralized ha Allen Northern Samar dida han nakalabay nga 2016.
