-- Advertisements --
NATIONAL – Ginsigurado ni Health Secretary Ted Herbosa nga an P89.9 bilyon nga sobra nga pondo han Philippine Health Insurance Corp. (PhilHealth) in ig aalutaga para pondohan an mga Health program.
Sumala han sekretarya, mismo hi Finance Secretary Ralph Recto an nagpatapod nga an waray kagamit nga pondo in gagamiton para ha mga programa nga may kalabutang ha panlawas.
Dugang pa hine, personal niya nga ginhangyo kan Sec. Recto nga himuon ine nga posible.
Gin klaro gihapon hine nga an sobra nga pondo in dire tikang ha kontribusyon han mga membro han PhilHealth kundi tikang ha subsidiya han gobyerno agud magamit han PhilHealth ha pagbulig ha mga kablas nga kumunidad ngan mga senior citizen.
