TACLOBAN CITY– Narekober han Abuyog Municipal Police Station, an usa nga hand grenade ha Brgy. Balocawehay Abuyog Leyte.
Sumala kan Abuyog Municipal Police Station, Chief of Police, PMaj Luis Hatton, naka-karawat hira hin tawag tikang ha usa nga concerned citizens kasumpaya han nasabi na granada.
Dugang pa hine, subay ha ira imbestigasyon an nasabi nga hand grenade in an normal nga gin-iisyu ha nga kasundaluhan.
Nakaputos ine hiton cellophane, ngan nakalubong ha tuna.
Gintutuohan naman nira nga dire ine kanan militar, matungod nga an pagkakalubong hine ha tuna in hamabaw, ngan mayda panigamnan.
Ginmalatumat naman ni Hatton, nga an nasabi nga lugar in kilala nga mayda nga presensya hiton walhon nga grupo, sanglit dire harayo nga an nasabi nga granada in gintatag-iyahan han mga ine.
