Nagdumara hin mga anti-government protest an mga istudyante ha pira nga unibersidad ha Iran dida han Sabado, an syahan nga dako nga rally tikang hadton nakalabay nga bulan han igpatuman han gobyerno an ‘crackdown’ ha mga residente.
Subay ha report, ginatos-gatos nga istudyante ha Sharif University of Technology an nag-martsa samtang gintitikangan an bag-o nga semestre.
Nahipatik gihapon an kaparehas nga gios-protesta ha syudad han Mashhad.
An mga nagpo-protesta in naghatag hin pagkilala ha yinukot-yukot nga namatay ha mga nakalabay nga nationwide protests nga kun manunumduman nga ginbalabgan han gobyerno.
Damo ha mga ini in nanawagan ha pira nga mga istudyante nga magdumara hin mga gios-protesta kakulop nga adlaw.
Kadungan hini, syahan na nga naghatag hin senyales an Estados Unidos mahuman nga masipatan an presensya han militar hini harani ha kadagatan han Iran, ngan ginmalatumat ni U.S. President Donald Trump nga andam hiya magmando hin military strike.
